Nënkryetari i Parlamentit, Myslim Murrizi deklaroi se në zgjedhjet e përgjithshme të 25 qershorit do të garojë bashkë me deputetë të tjerë të opozitës me lista të hapura. Në fjalën e tij, ai tha se në këtë datë shqiptarët do të kenë mundësi të zgjedhin të lirë.

 

“Gara e 25 prillit të sjellë një rezultat të pranuar nga aktorët politikë shqiptarë. Është detyrë e kësaj salle dhe e këtyre deputetëve, mision dhe fushatë. Shqiptarët në 25 prill të 2021 do të dinë të ndëshkojnë me votë çdo mashtrues të këtyre 4 viteve në këtë sallë. Do të zgjedhin për herë të parë individët që ata mendojnë, që dëshirojnë. Hipokrizia e të zgjedhurve në qese, babëzia e të lëpirjes pas kryetarëve të këtij mandate ka marrë fund. Kjo nuk ju ka pëlqyer. Unë personalisht, bashkë me deputetë të opozitës, do të garojmë me lista të hapura. Këtë vullnet e pres edhe nga mazhoranca që bashkoi votat me ne, edhe nga ata që e kërkojnë atë që kërkuam ne, por që nuk është e mirë sepse e kërkuam ne. Mirëpres të rikthehemi edhe një herë në rekomandimet e OSBE-ODHIR. Të jemi të barabartë në kutitë e votimit.”

 

Murrizi theksoi se në 25 prill, për herë të parë partia do të ngjitet në pushtet me votë dhe jo me rotacion.

 

“Pallavrat apo dallaveret apo zënkat formale për një administratë që nuk është KQZ apo për tenderat, mos na i shisni ne. 25 prilli nuk është pushtet me rrotë, por pushtet me votë. Pse janë të detyruar qytetarët shqiptarë që tetë vjet të mbajnë në kurriz një tufë hajdutësh dhe më pas të presin një tufë tjetër. Kjo është rrota, jo vota. Shqiptarët në 25 prill do të kenë mundësinë të zgjedhin me votë. Humbësi të urojë fituesin në 12 të natës.”

Leave a Reply

Your email address will not be published. Required fields are marked *