Ardian Ismajli vijon të tregojë se është i pakalueshëm në mbrotje dhe se e meriton plotësisht interesin e dy gjigantëve të Serie A si Inter dhe Juventus.
Ismajli zhvilloi një tjetër paraqitje dinjitoze me fanellën e Empolit, me këta të fundit që triumfuan 1-0 në shtëpi ndaj Comos.
Goli i fitores u realizua nga Pietro Pellegri në minutën e 47-të, ndërsa Ismajli ishte i pakalueshëm në mbrojtje.
Ismajli u aktivizua gjatë gjithë sfidës, teksa në fund u vlerësua me notën 7.8 nga faqja e specializuar e statistikave “Sofa Score”.
Mbrojtësi i Kombëtares shqiptare regjistroi 34 pasime të sakta, teksa i fitoi të 5-ta duelet ajërore me kundërshtarët. Ismajli spastroi 5 herë zonën, bllokoi 2 gjuajtje të kundërshtarëve si dhe ndërpreu 3 herë aksionet.
