Brazili fluturon ne krye, Argjentina gabon rende ne shtëpi. Kjo eshte panorama e përmbledhur e ndeshjeve te 10 ne grupin kualifikues te Amerikës Latine per kualifikueset e kampionatit botëror. Pas nje starti te dobët te këtyre eliminatoreve, Selecao ka marre vendin e parë pas fitores së fundit në transferte me Venezuelën 2 me 0. Në fakt kjo ishte fitorja e 4 radhazi e kombëtares që drejtohet nga Tite, e cila ka tashmë 21 pikë në klasifikim. Ne mungesë të Nejmaer në pjesën e parë e zhbllokoi rezultatin për miqtë futbollisti ne pronësi te Mancheste Ciy, Gabriel Zhesus, i cili përfitoi nga gabimi i portierit Hernandez, ndërsa në startin e pjesës së dytë vulosi fitoren Willian. Disfatë e rëndë në shtëpi ndërkohe për Argjentinën, së cilës mund ti kushtoje shumë humbja në shtëpi 1 me 0 më Paraguain. Pa Lionel Messin kjo kombëtare e ka shumë të vështirë të fitojë pavarësisht se në formacion ishin yje të futbollit botëror. Golin vendimtar e shënoi Derlis Gonzlaes në minutën e  18. Pak më vonë Di Maria goditi shtyllën për Argjentinën, ndërsa rastin më të mirë e pati Aguero, i cili gaboi një 11-metersh përballe portierit mik në startin e pjesës së dytë. Gardiani i Paraguait Villar u bë protagonist edhe ne dy raste të tjera të Agueros dhe Dibales. Tani Argjentina rreshket ne vendin e 5 me 16 pikë, 1 më shumë sesa Paraguai dhe dy më shumë sesa Kili që afrohet ndjeshëm pas fitores 2 me 1 kundër Perusë me dopieten e Arturo Vidal. Dy barazime spektakolare 2 me 2 në ndeshjet e tjera, ku spikati mes të tjerave sfida Kolumbi- Uruguai. Agilar kaloi të zotët e shtëpisë në avantazh, por Uruguai përmbysur me anë të Rodriges dhe Suarez përpara se Kolumbia të barazonte sërish me anë të Mina në minutën e 84. Në renditje Uruguai është i dyti  me 1 pikë më pak sesa Brazili, ndërsa Kolumbia është e 3 me 17 pikë, po aq sa ka edhe Ekuadori i cili barazoi 2 me 2 me Bolivinë.

 

 

 

 

Leave a Reply

Your email address will not be published. Required fields are marked *