Qindra qytetarë korçarë kanë dalë në momentin e ndërrimit të viteve në pedonalen e qytetit, duke shkëmbyer me njeri-tjetrin urimet për ardhjen e Vitit të Ri 2019.
Krejt ndryshe nga herët e tjera këtë fundvit ka munguar atmosfera festive e ndërrimit të viteve.
Kjo edhe për mungesë të një koncerti dhe mos organizimit të hedhjes së fishekzjarreve nga bashkia e qytetit juglindor.
Në heshtje e kanë kaluar dhe turistët e shumtë që kishin zgjedhur Korçën për të kaluar natën e Vitit te Ri.
Heshtje që e kanë “trazuar” fishekzjarre të hedhura spontanisht nga qytetarë të ndryshëm.