Në katër qendrat e votimit në Vorë nuk ka filluar ende procesi i votimit.
Gazetarja Enkelejda Mema bën me dije se mungojnë komisionerët në këto qendra votimi.
“Nuk ka filluar asnjë lloj proceesi, as komisionerët nuk kanë ardhur në qendrat e votimit. E njëjta situatë paraqitet në të 44 qendrat e votimit në Vorë. Nuk shoh radhë qytetarësh, por vetëm njërëz që janë përfaqësues të PS”, tha Mema për Vizion Plus.
Ndryshe nga pesë bashkitë e tjera, në atë të Vorës tanimë është vendosur që vota dhe numërimi i saj do të jetë elektronik. Arsyeja e përzgjedhjes së kësaj bashkie është numri i vogël i qendrave të votimit, të cilat Komisioni Qendror i Zgjedhjeve i mbulon me këto pajisje, në të cilat i gjithë procesi zgjedhor zhvillohet elektronikisht.
Në vendoret e pjesshme të 6 marsit, për qytetarët e Vorës përdorimi i teknologjisë do të jetë më i thjeshtë, krahasuar me parlamentaret e Prillit dhe kjo për shkak se fleta e votimit përmban pak elementë, vetëm emrat e tre kandidatëve për kryebashkiakë.
