Presidenti Ilir Meta ka shpjeguar arsyen se përse nuk ishte i pranishëm në stadium në sfidën mes Shqipërisë e Francës.
Në një postim në Facebook, Meta duke shprehur vlerësime për tifozat Kuq e Zi shprehet se nuk ishte I pransiëh pasi është I palumtur për heqjen e padrejtë të emrit të stadiumit kombëtar për arsye komerciale.
Duke theksuar se Air Albani Stadium do të vijojë të quhet Qemal Stafa Meta thekson se ai do të vijojë që të shkojë sërish në të ardhmen në stadium.
“Të dashur tifoza Kuq e Zi! Sot keni shkëlqyer me entuziazmin tuaj të pandalshëm, duke treguar se tifozët më të mirë janë ata që brohorasin ekipin edhe më shumë kur është në disavantazh. Sot nuk isha dot midis jush sepse jam i palumtur për heqjen e padrejtë të emrit të stadiumit tonë kombëtar për arsye komerciale! Por kjo nuk do të thotë se nuk do vij në të ardhmen. Pasi ne të gjithë do themi si gjithmonë: “Do shkojmë në Qemal Stafa!” Shpresojmë të mos dëgjojmë ndonjë iniciativë të marrë për t’i ndërruar emrin dhe vendit për arsye komerciale. Nderim për të gjithë ata që luajtën me nder me fanellën kuqezi në “Qemal Stafa” për mëse shtatë dekada!”
