Ministria e Shëndetësisë ka dhënë informacion zyrtar për bilancin e situatës nga COVID në vend gjatë dy ditëve të para të vitit 2021. Në 48 orët e fundit, janë shënuar 9 viktima dhe 675 raste të reja me koronavirus.
Nuk kanë arritur ta fitojnë betejën me COVID: 2 qytetarë nga Tirana, 1 qytetar nga Durrësi, 3 qytetarë nga Fier, 2 qytetarë nga Mati dhe 1 qytetar nga Kavaja, të moshave 63-83 vjeç.
Më konkretisht, në 1 janar, u regjistruan 407 të infektuar dhe 5 viktima, ndërsa më 2 janar ka pasur një rënie, 268 raste dhe 4 viktima.
Në total, gjatë këtyre dy ditëve kanë fituar betejën me virusin 719 qytetarë.
Aktualisht në 4 spitalet COVID, po trajtohen 286 pacientë, 21 në terapi intensive nga të cilët 3 pacientë janë të intubuar.
Shpërndarja gjeografike e rasteve aktive sipas qarqeve:
Tiranë 13602
Fier 1670
Shkodër 1305
Durrës 1162
Vlorë 969
Korçë 961
Lezhë 892
Elbasan 884
Berat 766
Gjirokastër 484
Kukës 409
Dibër 346
