Ish-kryeministri i Maqedonisë, Nikolla Gruevski ka kërkuar azil përmes ambasadës së Hungarisë në Shqipëri përpara se të shkonte në Budapest dhe të kishte mbështetjen e Viktor Orban.
Lajmi është konfirmuar nga Ministria e Jashtme Hungareze, sipas REL.
“Kërkesa për azil politik nga Gruevski nuk është çështje politike por ligjore dhe se Hungaria po punon në zhvillimin e marrëdhënieve të mira bilaterale me Maqedoninë dhe se vazhdon të mbështesë Maqedoninë në rrugën e saj drejt BE-së”.
Gjithashtu bëhet me dije se nga Ministria nuk kanë informata se në çfarë mënyre Gruevski ka dalë nga Maqedonia, por shtojnë se “ai erdhi në Hungari në përputhje me rregulloret kombëtare dhe ndërkombëtare”.
Ndërkohë MPJ të Hungarisë ka deklaruar se nuk ka asnjë informacion në lidhje me faktin se si Gruevski ka hyrë në Hungari.
