Moti për ditën e mërkurë, 31 mars 2021

Moti do të jetë me vranësira mesatare deri të dendura si dhe intervale të shkurtra me diell të cilat do të jenë më tepër prezente përgjatë orëve të paradites në zonën e
ultësirës perëndimore. Më pas mot me vranësira mesatare deri të dendura në të gjithë territorin.

Duke nisur nga orët e mesditës, parashikohen reshje shiu të herëpashershme me intensitet të ulët dhe mesatar në formën e shtrëngatave dhe stuhive afatshkurtër në pjesën më të madhe të vendit. Parashikohet mjegull ose mjegullinë për shkak të reshjeve të shiut. Era do të fryjë me drejtim Verilindje – Veriperëndim 1-15 m/sek duke u shoqëruar me valëzim të forcës 1-2 ballë.