Për ditën e sotme parashikohet mot me diell e vranësira kalimtare deri në mesditë. Mëtej, këto vranësira do të vijnë drejt dendësimit.
Prej orëve të mesditës, reshjet e shiut do tëpërfshijnë pjesën më të madhe të vendit me intensitet deri mesatar.
Era do të fryjë e lehtë në juglindje-jugperëndim dhe e vrullshme në bregdet.
Temperaturat minimale do të pësojnë rënie të lehta, ndërsa ato maksimale për shkak të erërave të ngrohta do të pësojnë rritje të lehtë.
Rajoni i Ballkanit do të ketë mot me dendësim vranësirash, të cilat do të pasohen nga reshje shiu hera-herës me shtrëngata në pjesën veriperëndimore dhe perëndimore të tij.
Sa i përket kontinentit Europian sistemi frontal që ndikon në vendet Skandinave dhe në vendet e ulëta do të sjellë reshje shiu dhe dëbore si dhe temperatura në rënie.
