Moti i keq, vonohen tragetet në Durrës e Vlorë

Moti i keq ka shkaktuar vonesa ne nisjen dhe mbërritjen e trageteve. Një ditë me pare kapitaneria e Durrësit paralajmëroi tragetet, anijet dhe peshkarexhat që të bëjnë kujdes gjatë ditës se marte. Forca e detit dhe era e forte e bëjnë te rrezikshme qëndrimin e mjeteve te lundrimit dhe ne port.

Sipas njoftimit zyrtar te kapitanerisë se portit, anijet e tonazhit të mesëm dhe të ulët nuk do te lejohen të dalin në lundrim deri në përmirësimin e kushteve të motit. Thuajse e njëjta situate paraqitet edhe ne portin tjetër, atë te Vlorës.