Kushtet e përkeqësuara të motit këtë të hënë kanë sjellë pezullimin e lundrimit të mjeteve të vogla detare në Vlorë.
Në bazë të parashikimit për situatën hidrometeorologjike, gjatë datave 27-28 mars do të ketë erë dhe dallgë.
Ndërkohë linjat e trageteve do të vazhdojnë të operojnë normalisht sipas destinacioneve.
Edhe në Durrës kapiteneria e portit ka kërkuar që mjetet e vogla, kryesisht ato të peshkimit, të qëndrojnë në pritje dhe të shmangin daljen në det.
