Për shkak të situatës hidrometeorologjike të përkeqësuar në gjirin e Vlorës, Autoriteti Portual bën me dije se është ndaluar dhënia e leje-nisjes e të gjitha mjeteve të vogla lundruese, anijeve të peshkimit që operojnë jashtë gjirit të Vlorës dhe marjen e masave për sigurimin e tyre.
Në njoftimin e shpërndarë nga autoriteti, bëhet me dije gjithashtu se aktualisht trageti i linjës Vlorë-Brindisi-Vlorë po qëndron në radë dhe do të ankorohet sapo të përmirësohen kushtet atmosferike, për të zbritur më pas pasagjerët.
