Moti i keq, përmbyten disa zona në Korçë

Reshjet e dendura të shiut kanë shkatuar përmbytje në qytetin e Korçës.

Si pasojë e reshjeve intensive të shiut, uji ka vërshuar në rrugë ndërsa ka shkaktuar përmbytjen e disa bizneseve dhe garazheve në lagjen 18 të qytetit.

Situatë e rënduar për qarkullimin e mjeteve paraqitet edhe në rrugën përgjatë parkut “Rinia”.

Raportohet se kjo situatë ka vijuar për më shumë se 30 minuta edhe në hyrje të qytetit të Korçës, si dhe në unazën veriore.

Gjithashtu, pazari i qytetit dhe lagjet periferike janë hasur me situatën e rënduar.