Stuhia e breshërit që përfshiu juglindjen ka shkaktuar dëme edhe në bujqësi.
Në fshatin Kamnik të Kolonjës, reshjet intensive të breshërit, që zgjatën rreth 15 minuta, kanë dëmtuar rëndë vreshtat, të cilat përbëjnë një nga burimet kryesore të të ardhurave për banorët.
Një grup pune i Bashkisë Kolonjë pritet të dalë në terren për evidentimin e dëmeve.
Sipas fermerëve, ky është viti i gjashtë radhazi që breshëri dëmton kulturat bujqësore në zonat e Kolonjës, Devollit, Korçës dhe Maliqit.
Ata shprehen se, megjithëse dëmet evidentohen dhe dokumentacioni i dërgohet institucioneve përgjegjëse, deri më sot nuk kanë përfituar asnjë dëmshpërblim.
/vizionplus.tv
