Rusia po kontrollon gatishmërinë luftarake të një njësie të pajisur me raketa balistike ndërkontinentale “Yars” në një zonë në veriperëndim të Moskës, njoftoi sot Ministria e Mbrojtjes, sipas agjencive të lajmeve.
Yars, të cilat mund të vendosen në kapanone ose të përshtaten me lëshuesit celularë, kanë një rreze veprimi deri në 11 mijë kilometra dhe mund të mbajnë koka të shumta bërthamore.
Lexo edhe :
Related Posts
Rusia ka zhvilluar një sërë stërvitjesh bërthamore këtë vit, të cilat analistët thonë se synojnë të parandalojnë Perëndimin që të përfshihet më shumë në luftën në Ukrainë.
Kjo stërvitje e fundit vjen në të njëjtën javë kur NATO zhvilloi stërvitjet e saj vjetore bërthamore dhe presidenti ukrainas Volodymyr Zelensky prezantoi “planin e tij të fitores”.
Presidenti rus Vladimir Putin tha muajin e kaluar se Moska kishte zgjeruar listën e skenarëve që mund ta shtynin atë të përdorte armë bërthamore, duke ulur efektivisht pragun për përdorimin e tyre. Ukraina akuzoi Moskën për shantazh bërthamor.
Në testin e fundit, një njësi në rajonin Tver do të kryejë një stërvitje të transportit të raketave të kamufluara Yars në distanca deri në 100 kilometra dhe mbrojtjen e tyre nga sulmet ajrore dhe grupet e sabotimit të armikut, tha Ministria e Mbrojtjes, sipas agjencisë së lajmeve Interfax./vizionplus.tv
