Pavarësisht humbjes 3 me 2 në “San Siro” në derbin përballë Interit, tekniku i kuq e zinjve beson ende se djajtë kanë shanse të sigurojnë një vend për në Ligën e Kampioneve.
Duke folur pas ndeshjes, Montela u shpreh i kenaqur me performancën e lojtarëve në pjesën e dytë dhe beson që Milani mund t’ia dalë për t’u kualifikuar në Ligën e Kampionëve për sezonin tjetër.
“Kam parë një reagim të shkëlqyer në pjesën e dytë, krijuam disa raste të mira, kemi luajtur me shpirt dhe duhet të shohim anët pozitive të kësaj disfate”, ka thënë Montella.
“Sigurisht që kemi mundësi për t’u renditur të në vendin e katërt, për momentin ky objektiv duket mision i pamundur por kampionati është ende shumë i gjatë”, ka theksuar ai.
Pas tetë ndeshjeve të para Milani renditet në vendin e dhjetë me vetëm 12 pikë të grumbulluara.
