Atletico Madrid dhe Monaco janë dy skuadrat e fundit qe kane prere biletën per ne çerekfinalet e Uefa Champions League. Finalistet e sezonit të kaluar, Atletico Madrid siguruan qetësisht kualifikimin për më tej, pasi barazuan në shtëpi 0 me 0 kundër Bayer Leverkusen, por diferencën ne këtë çift e beri triumfi i spanjolleve 4 me 2 ne Gjermani në takimin e parë. Këtë herë në takimin në transmetuar në Vizion Plus, në sfidën e luajtur ne Vicente Kalderon, megjithëse rastet për shënim në të dyja portat ishin të shumta, golat munguan. Voland dhe Hernandez për gjermanet gabuan para portës vendase, ndërsa Correa dhe Koke vunë në prove aftësitë e shkëlqyera të portierit gjerman Leno. Edhe në pjesën ë dytë rastet ishin të panumërta, por këtë herë ata që gabuan par fund ishin Grizman dhe Nigez nga njeri krah dhe Voland, Brand dhe Hernandez nga krahu tjetër për ta mbyllur ndeshjen pa gola.
Spektakël, befasi dhe shumë emocione në Tring Sport 1 HD, ku Monaco ka nxjerr jashtë këtij kompeticioni, Manchester Cityn. Fitorja 3 me 1 e francezeve e çoi rezultatin e përgjithshëm në 6 me 6, por skuadra e Principatës kaloi më tej falë rregullit të më shumë golave në fushë kundërshtare. Një largim më i shpejte seç pritej për skuadrën e Guardioles që vuajti më së shumti problemet e pafundme në repartin e prapavijës, ndërsa Monaco bëhet padiskutim surpriza më e madhe e 1 te 8 së bashku me Leicester. Sa i takon kronikës së ndeshjes pjesa e parë u mbyll 2 me 0 për Monaco falë golave të Mbape dhe Fabinjos. Në minutën e 71, miqtë me Sane shkurtuan diferencat duke e kthyer situatën e kualifikimit në favorin e tyre, por një gol i Bakajoko në minutën e 77 përmbysi sërish çdo gjë, duke çuar në çerekfinale francezet që iu bashkuan skuadrave të tjera si Barcelona, Bayern Mynih, Juventus. Leicester, Dortmund dhe Juventus që e kishin arritur me herët këtë objektiv. Shorti i lirë i çerekfinaleve do të hidhet të premten në mesdite ne Nion.
