Sander Lleshaj, ministri i trete i Brendshem i qeverise Rama, ka zgjedhur te sqaroje arsyet e doreheqjes se tij nepermjet nje deklarate me shkrim, ku akuzoi opoziten se shfrytezoi vrasjen e 25-vjecarit per qellime politike. .
“SANDER LLESHAJ
MINISTER I BRENDSHEM NE DETYRE
Përballë përpjekjes së autorëve të 21 janarit 2011 për të kërkuar sot një pretekst të ri për të mbjellë dhunë mes shqiptarësh bazuar mbi një episod tragjik dhe fatal, si dhe me vetëdijen e plotë se vendi ka nevojë për një model të ndryshëm sjelljeje politike kam vendosur të jap dorëheqjen e parevokueshme nga posti i Ministrit të Brendshëm të Republikës së Shqipërisë.”
Per te argumentuar diferencen mes pergjegjesise politike te qeverise Rama dhe qeverisjes se Partise Demokratike, Lleshaj eshte rikthyer pas ne kohe per te sjelle ne vemendje sjelljen e Policise se Shtetit ne vitet ‘97, ‘98 dhe 2011.
“Edhe pse, që nga dita e parë e marrjes së detyrës, më është dashur të përballoj një seri aktesh të dhunës histerike apo të angazhohem për policë të plagosur në detyrë nga verbëria e dhunës antishtet, asnjëherë nuk u ngjita gjatë protestave tek snajperët në tarracën e Kryeministrisë, siç bënin pa turp autorët e 21 janarit, asnjëherë nuk lejova përdorimin e armëve në protestat politike, asnjëherë nuk mora në mbrojte ndonjë polic apo person tjetër që shkeli ligjin dhe asnjëherë nuk u kërkova të tjerëve ndonjë standard që nuk e zbatoja vetë.”
Sipas Lleshajt, keto jane motivet e doreheqjes se tij nga posti i ministrit te Brendshem.
“Janë këto arsye që më kanë bindur se TANI ËSHTË MOMENTI për të mbyllur një kapitull angazhimi në krye të Ministrisë së Brendshme, me brengë në shpirt për humbjen e padrejtë të jetës së një djali të ri, i qetë për trajtimin e drejtë të ngjarjes dhe krenar për vendosjen e një standardi diametralisht të kundërt me atë të autorëve të 21 janarit 2011.”
Sander Lleshaj ka qene keshilltar i kryeministrit Edi Rama per sigurine nga viti 2013 deri ne nentor 2018, kur shefi i qeverise e propozoi si minister te Brendshem pas largimit te Fatmir Xhafajt.
Emerimi i Lleshajt shenoi nje prej perplasjeve me te forta mes qeverise e presidentit, pasi fillimisht Ilir Meta vendosi te mos dekretoje ministrin e ri te Brendshem, firme te cilen kreu i shtetit e hodhi vetem pasi e nxori ne lirim Gjeneral Brigade Sander Lleshaj.
