Ambasada e Britanisë së Madhe në Kosovë, ka reaguar pas deklaratave të presidentit të Serbisë, Aleksandër Vuçiç, i cili e quajti masakrën e Reçakut trillim e të inskenuar nga Walker.
Ambasada në reagimin e saj mbështet deklaratat nga Bashkimi Evropian, PSSP i Kombeve të Bashkuara dhe të tjerët, si përgjigje ndaj komenteve të fundit që mohonin ngjarjet e mirë dokumentuara që kanë ndodhur në Reçak, në janar të vitit 1999.
“Përfaqësuesit nga të gjitha palët kanë përgjegjësi që të përmbahen nga retorika e dëmshme dhe provokative, që është mos respektuese ndaj viktimave dhe familjeve të tyre, dhe dëmton mundësitë për pajtim dhe kthimin në dialog”.
Ndër të tjera ambasada britanike ka theksuar se presin nga institucionet gjyqësore në Prishtinë do të ndjekin procesin e duhur në trajtimin e të gjitha çështjeve në mënyrë transparente, pa paragjykime etnike.
