Përfaqësuesja e Komisionit Evropian për Punë të Jashtme Frederika Mogherini ka biseduar në telefon kete te merkure ne mbremje me presidentin e Kosovës Hashim Thaçi për të diskutuar zhvillimet e fundit në kontekstin e normalizimit të marrëdhënieve mes të Kosovës dhe Serbisë.
Kjo u bë e ditur përmes një kumtese të lëshuar nga zyra për shtyp e Mogherinit.
“Përfaqësuesja e lartë ka nënvizuar se vendimi i Qeverisë së Kosovës për të ngritur tarifat e doganës për produktet nga Bosnje e Hercegovina dhe Serbia vetëm sa ka komplikuar situatën dhe nuk ka sjellë zgjidhje të problemeve për popullatën në Kosovë apo për aspiratat e Kosovës për të tashmen dhe të ardhmen”.
“Kjo është një masë që nuk ndërton marrëdhënie të mira fqinjësore dhe duhet të hiqet”, ka shtuar Mogherini./DW
