“Dera e BE është e hapur per Shqipërinë, por negociatat e anëtarësimit do te çelen kur te nise zbatimi i reformës ne drejtësi”.
Shefja e politikes se Jashtme te unionit, Federica Mogherini ishte e qarte ne mesazhin qe përcolli ne deklaratën e përbashkët me kryeministrin Edi Rama.
“Mesazhi im është ky. Ne ashtu si vjet, jemi gati te çelim negociatat ne momentin qe do te filloje zbatimi i reformës ne drejtësi, qe te filloje vetingu. Tani e keni radhën ju, presim te shohim progresin e saj. Unë kam qene e qarte ne te gjitha takimet e mia sot me kreun e parlamentit, krerët e grupeve parlamentare, kreun e opozitës, ku kam thene se ata qe do te përpiqen te ulin ritmin e reformave do te rrezikojnë integrimin ne BE”.
Mogherini theksoi se bojkoti i parlamentit nga opozita ndal progresin e vendit ne rrugën e integrimit.
“Bojkoti i parlamentit do te thotë bllokim i krijimit te komisioneve te Vetingut. Kam qene e qarte ne mesazhin qe përçova se kjo ndal progresin, ne nje kohe kur ju keni mundësi te ecni përpara ne rrugën e BE-se. Sot ka pasur sinjale per hapësire per dialog dhe shpresoj qe kjo te përdoret dhe te kete ecuri, sepse dera e Bashkimit Europian eshte e hapur per Shqipërinë. Negociatat do te fillojnë, ne momentin qe do te filloje te zbatohet reforma ne drejtësi”.
Kryeministri Rama vlerësoi mbështetjen e dhënë nga BE ne kete kohe kur vendoset fati i negociatave dhe tha se puna me 5 prioritetet kyçe duhet te vazhdoje.
Vizita e Mogherinit vjen ne këto kohe sfidash, kur vendoset fati i negociatave me BE, duke nisur procesin e zbatimit te reformave me zbatimin e ligjit te Vetingut. Jemi ne nje mendje qe puna me 5 prioritetet kyce te vazhdoje intensivisht.
Përfaqësuesja e larte e BE per punët e Jashtme kerkoi gjithashtu qe ne këto muaj te mbetur deri ne zgjedhjet e qershorit te vijojnë përgatitjet per një proces te lire e te ndershëm dhe te merren parasysh rekomandimet e OSBE-ODIHR-it.
