Shefja në politikën e Jashtme në BE, Federica Mogherini deklaroi se Shqipëria dhe Maqedonia e Veriut kanë treguar rezultate mbreslënëse në zbatimin e reformave.
Në konferencën për shtyp, të mbajtur me komisionerin Johannes Hahn, pas prezantimit të raport progresit, Mogherrini theksoi gjithashtu se Shqipëria ka sjellë rezultate të prekshme sa I takon reformës në drejtësi.
Mogherini I kërkoi KE që të njoh rezultatet e arritura nga Shqipëria e Maqedonia e Veriut pasi në të kundërt, sipas saj, do të dëmtohet besueshmëria e BE-së dhe do të minohet stabiliteti.
“Është bërë punë madhore për të vlerësuar ecurinë e arritur për të arritur në këto raporte. Gjatë viteve të fundit BE ka investuar me shifra të mëdha në Ballkanin Perëndimor. Ne kemi qenë dëshmitarë të arritjeve dhe suksese që janë mbresëlënëse, Maqedonia e Veriut dhe Shqipëria kanë treguar rezultate për reformat. Zbatim mbresëlënës i reformës në drejtësi, që ka sjellë rezultate të prekshme. Kam qenë së fundi në Tiranë për Samitin. Në bazë të një vlerësimi të rreptë dhe objektiv këtë vit për herë të dytë komisioni rekomandon çeljen e negociatave për Shqipërinë dhe Maqedoninë e Veriut. Ato kanë bërë pjesën e tyre të punës dhe tashmë është radha e BE-së të bëjë punën e tij. Topi ynë tani do të kalojë në Këshillin e Evropës. BE të japë ato merita aty ku ato ekzistojnë. Kur ne vlerësojmë meritat në mënyrë objektive, ato duhen njohur. Në të kundërt do të dëmtohet besueshmëria e BE-së, do të minohet stabiliteti dhe do të shkurajonin reformat e mëtejshme, ndoshta sjellin edhe një moment zhgënjimi në këto vende të rajonit, por edhe në BE dhe tek BE si institucion”
