Bashkimi Europian ne te njejten linje me Shtetet e Bashkuara te Amerikës konstaton se Shqipëria është ne rrugën e duhur me reformat e ndërmarra dhe punën e bere nga qeveria. Diplomatja europiane Federica Mogherini gjate vizitës se saj ne Tirane foli për nje ndryshim te dukshëm dhe konfirmoi mbështetjen per integrimin ne BE. Gjate deklaratave te përbashkëta per shtyp me kryeministrin Edi Rama, ajo vlerësoi rolin e Shqipërisë ne rajon, zhvillimet ne vend, ndërsa ritheksoi nevojën per miratimin e reformës ne drejtësi.

Është arritur një gjë shume e madhe dhe ju falenderoj për ketë. Mesazhet qe BE dhe SHBA po u përçojnë shqiptareve është se ju po bëni per vendin tuaj diçka te madhe dhe te mire. Duhet te keni vendosmëri, kuraje dhe durim. Reforma ne drejtësi është domosdoshmëri dhe nevoje absolute. Nuk ndodh shpesh qe nje udhëheqje politike te ketë një mbështetje kaq te madhe për këto reforma. Prandaj mesazhi im është miratojeni, jo se e kërkon Brukseli, por se u duhet qytetareve shqiptare. Është angazhimi im personal, por dhe i Bashkimit Europian për integrimin e Shqipërisë. Ne duhet dhe mund t’i hapim negociatat.”

Kryeministri Rama ka deklaruar se reforma ne drejtësi do te miratohet jo vetëm per rëndësinë qe ka ne hapjen e negociatave te anëtarësimit ne BE, por se pari si përgjegjësi dhe detyrim ndaj shqiptareve. Kryeministri Rama ka folur edhe ne lidhje me krizën e refugjateve qe po përjeton Europa. Sipas tij Shqipëria, edhe pse nje vend i vogël është e gatshme te jete pjese e një plani te përbashkët. Mogherini dhe Rama firmosen edhe një marrëveshje për sigurinë, ndërsa me herët kryediplomatja e Bashkimit Europian ka përcjelle mesazhet e Brukselit ne parlamentin shqiptar. Reforma ne drejtësi dhe dialogu politik ishin rekomandimet e shefes se diplomacisë europiane per klasën politike. Ndërsa fjalën e saj e mbylli me ketë mesazh: Çlirohuni nga ajo pjese e se shkuarës. silleni Shqipërinë ne BE. Ketë detyrim ia keni Shqipërisë dhe i detyroheni Europes!

Gjate qëndrimit te saj ne Tirane, Mogherini u takua me kryeparlamentarin Meta, presidentin Nishani, ndërsa vizita e saj mbyllet nesër me takimin me liderin e opozitës Basha.

 

 

Leave a Reply

Your email address will not be published.