“Mjerë kush i beson opozitës së babaleve”

Sekretari i përgjithshëm i Partisë Socialiste Taulant Balla, ka ironizuar akuzat e kreut të PD-së Basha si garant i kalimit të 3.4 milionë eurove. “O babale! Mjerë kush të beson ty akoma dhe taksirati ynë që kemi përballë një opozitë që e ktheve në teatër babalesh!”, shkruan Balla në statusin publikuar në rrjetin social facebook. Duke e etiketuar kryetarin demokrat si babale, zyrtari socialist shkruan se Basha, është kaq i mbaruar  sa nuk ka më këllqe as të shtrëngojë llastikun e të brendshmeve të rrenave. “Rrena, që të bien përditë në sy të miletit. Fli gjumë tani fli se për sot e dhe shfaqjen e rënies së brekusheve”, shkruan Balla.