Mjekët Skënder Brataj dhe Andi Koraqi janë shëruar nga koronavirusi.
Lajmin e ka bërë të ditur ministrja e Shëndetësisë, Ogerta Manastirliu. Përmes një postimi në “Facebook”, ajo bën me dije se në 24 orët e fundit kanë fituar betejën me virusin 4 mjekë dhe infermierë.
Deri tani, numri i të shëruarve nga personeli shëndetësor ka shkuar në 36.
“#LajmetëMira për stafet mjekësore. Më gëzon pa masë lajmi se dr. Skënder Brataj dhe dr. Andi Koraqi e kanë mundur sëmundjen e rrezikshme dhe sot janë të shëruar nga #COVID19. Katër mjekë dhe infermierë janë shëruar në 24 orët e fundit Deri tani 36 personel mjekësor janë #shëruar nga COVID-19. 248 pacientë dhe staf mjekësor e kanë fituar betejën me #COVID-19#FORCA”, shkruan ministrja Manastirliu.
