Mjekët kundër Shukri Xhelilit

Ekspertët mjeko-ligjor të caktuar nga Gjykata e Krimeve të Rënda për të përcaktuar gjendjen shëndetësore të Shukri Xhelilit, u shprehën sot se ish kryebashkiaku i Dibrës, mund ta përballojë burgun. Ne seancën e zhvilluar me dyer te mbyllura, ata pohuan se Xhelili nuk ka probleme te renda qe do te justifikonin daljen e tij nga burgu. Per pasoje ish-kryebashkiaku i Dibrës mund ta përballoje normalisht procesin ndaj tij. Më herët vetë i pandehuri kishte kërkuar ndihmë më të specializuar mjekësore, pasi vuante nga zemra dhe stomaku. Shukri Xhelili akuzohet për “korrupsion pasiv te funksionarit publik”, duke kërkuar favore seksuale në këmbim të një vendi pune.