Më shumë se 600 mjekë në shtetet e bashkuara kanë ngritur alarmin se viktimat do të shtohen nga mungesa e vëmendjes ndaj sëmundjeve të tjera.Ata vlerësojnë se izolimi nga pandemia i ka penguar pacientët të diagostikohen apo trajtohen. Në një letër dërguar Presidentit Donald Trump, mjekët nënvizojnë sembyllja e vazhdueshme ka shtuar ndjeshëm alkoolizmin, vetëvrasjen, sulmet në zemër, goditjet në tru, depresionin, apo varësinë nga droga.
Ndërkohë në të gjithë botën janë identifikuar më shumë se 5.1 milionë njerëz të infektuar me koronavirus ndërsa organizata botërore e shëndetësisë bëri të ditur një rekord të ri ditor qëkurëse filloi pandemia.
TEDROS ADHANOM GHEBREYESUS
DREJTOR I PERGJITHSHEM, OBSH
“Kemi akoma një rrugë të gjatë përpara me këtë pandemi. Në 24 orët e fundit janë raportuar 107 mijë raste, shifra më e lartë në një ditë qëkurëse shpërtheu sëmundja. Pothuajse dy të tretat e këtyre rasteve janë raportuar në vetëm katër vende, SH.B.A., Rusi, Brazil dhe Mbretëri e Bashkuar. Ndërkohë që luftojmë sëmundjen, dua të theksoj se forcimi i sistemit shëndetësor mbetet prioritet.”
Ndërkohë në Brighton dhe Oxford ka filluar një projekt që do të studiojë nëse Chloroquine dhe hydroxychloroquine funksionon fillimisht tek punonjësit e vijë së parë. 40,000 punonjës të kujdesit shëndetësor nga Europa, Afrika, Azia dhe Amerika e Jugut janë bërë pjesë e këtij studimi.
