Mjekët e “Traumës” kanë dalë sërish në protest kundër caktimit të masës së sigurisë “arrest me burg” nga Gjykata për dy mjekët që morë para për operacionin e 17-vjeçarit që mbeti i plagosur ngë masakra e Velipojës, ku humbën jetën 4 persona.
Duke e konsideruar një veprim të pajustifikuar të drejtësisë, ata kërkojnë lirimin e kolegëve të tyre.
“Deri në momentin kur drejtësia të vërtetojë provat këta persona nuk duhet të rrinë në burg. Ne po shohim se drejtësia po kalon cakun. Kjo është dhe arsyeja se përse ne kemi dalë sot, nuk jemi dakord. Sindikata e dënon këtë akt si një akt korruptiv. Deri në momentin që jepen provat ata nuk duhet të rrinë në burg. Është bërë një akt për show.”
