Njësitet elitare të Policisë së Kosovës kanë filluar të grumbullohen në bazën “Belvedere” të kësaj njësie që gjendet në fshatin Frashër të Mitrovicës.
Mëngjesin e kësaj të diele përveç pjesëtarëve të Policisë që janë të vendosur në atë bazë, kanë ardhur edhe forcat e njësisë elitare të njohur si “FIT” dhe forca të tjera speciale nga Prishtina.
Gjithashtu dhe ushtria serbe ka rritur gatishmërinë e saj, siç raportojnë mediet serbe për shkak të tensioneve në Kosovë.
Sipas mediave serbe organet e sigurisë kanë rritur aktivitetet e tyre për të parandaluar planet për trazira në veriun e Kosovës, edhe si pasojë e veprimtarisë së qarqeve të caktuara në Serbi, që përmes lajmeve të rreme po shqetësojnë popullatën serbe në veriun e Kosovës.
