Një orë para nisjes së mitingut përmbyllës të fushatës elektorale në Tiranë dhe në të gjithë Shqipërinë, kryeministri Edi Rama ka bërë një reagim në rrjetet sociale.
Përmes një videomesazhi në facebook, Rama thekson se pas 1 orë do të jetë dhe mesazhi i fundit nga Tirana për të gjithë shqiptarët, në fund të këtij rrugëtimi të gjatë, pasi ditën e diel do të jenë qytetarët ata që do të flasin.
Lexo edhe :
Ndërkohë Rama thekson se është rritur dorëimi i zarfeve me vota nga ana e shqiptarëve të diasporës.
“Orët e fundit të këtij rrugëtimi erdhën. Pas pak në orën 19:30 kemi Tiranën dhe vetëm Tiranën, të gjithë të tjerët kanë qendruar nëpër qarqet e tyre duke bërë përgatitjet e fazës tjetër të procesit. Ndërkohë që në orën 19:30 Tirana do t’i japë mesazhin e fundit gjithë Shqipërisë dhe gjithë shqiptarëve kudo ku ata ndodhen. Më vjen shumë mirë që ka patur një lëvizje domethënëse ditët e fundit nga ata që kishin mbetur ende pa i dërguar zarfat. Numrat janë shumë inkurajues të shohim si do të mbyllet pjesëmarrja, padyshim që trendi na tregoi që do të kishte një pjesëmarrje shumë të lartë nga ana e shqiptarëve jashtë kufijve. Unë jam jashtëzakonisht i lumtur që ju dhamë mundësinë të votojnë, jam jashtëzakonisht i lumtur që ata e shfrytëzuan këtë mudnësi për votën e parë në histori të shqiptarëve jashtë, por edhe për këtë sfidë të Shqipërisë me historinë në 11 maj. Patjetër jemi shumë kurizoë të shoh vendikmin e diasporës, gjykimin e diasporës dhe patjetër me respektin më të madh. Në 19:30 të jemi sëbashku me Tiranën, për Tiranën dhe me Shqipërinë në BE”, tha Rama.
