Pas lirimit te te dyshuarit kryesor për sulmet e Brukselit, gazetarit freelance Fajkal Shefo, autoritetet belge vazhdojnë kërkimet per terroristin e trete. Ai është personi me kapele qe u shfaq përkrah kamikazëve Naxhim Lashraui në të majtë, dhe njërit prej vëllezërve El Bakraui në qendër, e qe nuk ishte identifikuar ende. Avokati i gazetarit qe mbetet i akuzuar per terrorizëm, deklaroi se ai kishte qene ne shtëpi ne kohen kur kishin ndodhur sulmet dhe kishte marre edhe disa telefonata. Ndërkohe te tjera detaje janë zbuluar për atentatorin e metrosë Khalid El Bakraoui. Ai ka përdorur identitetin e ish-lojtarit te Interit, Ibrahim Maaroufi për te marre me qera nje apartament ne Belgjike, qe u shndërrua me pas ne nje çerdhe per organizimin e sulmeve te Parisit. Megjithatë, gjate nje kontrolli dhjetorin e kaluar policia nuk gjeti as arme e as eksploziv, por gjurmët e gishtërinjve te terroristit Abaud dhe te kamikazit Bilal Hadvi. Gjithashtu janarin e vitit te kaluar Abaud kishte qene ne Greqi dhe gjate një kontrolli ne apartamentin e tij autoritetet greke kishin gjetur harta dhe vizatime te aeroportit Zaventem te Brukselit, çka shton dyshimet se planifikimi për atentate ne Belgjike mund te ketë nisur me herët.
