Pas suksesit në Miss Universe Albania, një tjetër sfidë vjen për bukuroshen shqiptare, Trejsi Sejdini, e cila këtë herë do të marrë pjesë në konkursin Botëror të Miss Univers në Tajlandë.
Bukuroshja Shqiptare do të udhëtojë drejt Bangkokut, ku në 16 dhjetor do të ngjitet në pasarelën e Miss Universe, me qëllimin e vetëm, marrjen e kurorës edhe në këtë kompeticion global.
18-vjeçarja është e njohur në rrjetet sociale, sidomos në Instagram përmes fotografive të saj, shpesh provokuese.
Përfaqësuesja e Shqipërisë në Miss Universe, një spektakël i transmetuar ekskluzivisht nga Vizion Plus, u kurorëzua nga Blerta Leka, e cila deri mesnatën e 6 qershorit mbajti kurorën e më të bukurës.
