Misioni paqeruajtës shqiptar në Afganistan vlerësohet nga komandantët e misionit ushtarak ndërkombëtar si ndër më të përgatiturit. Kryeministri Rama ka komunikuar me ushtarakët shqiptarë, për të mësuar prej tyre punën dhe vështirësitë në terren.
“FA janë krenari për Shqipërinë në çdo tryeze që ulemi me partnerët tanë të NATO”
Shefi i qeverisë theksoi se qeveria do të bëjë akoma më shumë për Forcat e Armatosura.
Në korrik të vitit 2002, u angazhua kontingjenti i parë i ushtrisë shqiptare në kuadër të forcave të koalicionit kundër terrorizmit në operacionin ISAF në Kabul. Që nga fillimi i operacionit kanë kontribuar mbi 3 mijë ushtarakë.
