Kryetari i PD-së Lulzim Basha gjatë një takimi me kreun e misionit të OSBE/ODIHR Peter Tejlor, për zgjedhjet e 25 qershorit, ka vlerësuar konstatimet për deformimin dhe shitblerjen e votës dhe presionin mbi zgjedhësit.
Po ashtu, Basha tha se përgjimet e antimafias italiane konfirmojnë rolin e krimit dhe parave të drogës në shitblerjen e votës. Kreu i misionit të ODIHR është takuar më herët edhe me ministrin për Europën dhe punët te jashtme Ditmir Bushati.
Për kryediplomatin zgjedhjet e 25 qershorit ishin më të mirat të zhvilluara në periudhën e pas tranzicionit. Bushati, vlerësoi nismën e OSBE/ODIHR për zhvillimin e një reforme të sistemit zgjedhor në të gjithë rajonin e Ballkanit Perëndimor, çka do t’i shërbejë edhe reformës së nisur në Shqipëri.
Përfaqësuesit e misionit janë takuar edhe me kryetaren e LSI-së Monika Kryemadhi.
