Kandidatja e Partisë Socialiste për Fier, Zegjine Çaushi, ka vazhduar të ironizojë Gazment Bardhin, drejtues politik i PD në këtë qark, në një video të fundit të ndarë në rrjetet sociale. Ajo i drejtohet Bardhit me një ton të qartë satirik, duke e përqeshur për jetën e tij private dhe fushatën që po zhvillon.
Zegjineja shprehet se Bardhi kalon natën duke pirë xhin dhe ditën merret me postime akuzuese, ndërsa e ngacmon për paaftësinë e tij në fushatë, duke thënë se askush nuk ia hap derën për të zhvilluar takime me qytetarët. Ajo e përmend edhe numrin 5, që përfaqëson PS-në në fletën e votimit, dhe thekson se Bardhi është shumë i vetmuar në këtë proces.
““Gazo mirë mëngjes yllo si mu gdhive sot? Se ti më rri vonë natën dhe më pi xhin me Gentin tek për tek me sytë me xixa. Populli thotë ata që shëtisin në 2 të natës nuk merren me punë të mira. Po fushatë do bësh Gazo apo vetëm postime me kallëzime. Njerëz do të takosh Gazo apo hiç se s’ka njeri që ta hap derën. Vetmia e madhe e Gazit, as luani nuk është kaq vetëm. Pesën Gazo mos harro”, shprehet kandidatje e PS.
Dy ditë më parë, në vazhdën e këtyre ironive, Çaushi e ftoi Bardhin për drekë, duke e ngacmuar për situatën e tij politike. Ajo theksoi se e ka vënë re të mërzitur kohët e fundit, duke sugjeruar se PD ka humbur mbështetje dhe se “deputeti i pestë” në qark ka ikur. “Hajde Gazo tek motra jote, të të prezantoj edhe me shoqet e mia, se të kam parë shumë të mërzitur këto ditë. S’ke faj, jo, rëndë shumë situata. Iku edhe deputeti i pestë,” tha ajo, duke e përçmuar më tej situatën e Bardhit në këtë fushatë.
/vizionplus.tv
