Kreu i partisë se të drejtave të njeriut Vangjel Dule ka dalë kundër ligjit të qeverisë për regjistrimin e emigrantëve. Ai akuzoi mazhorancën se me këtë nisme emigrantëve u hiqet njëherë e përgjithmonë e drejta për të votuar në Shqipëri. Por ministri i Brendshëm Saimir Tahiri tha se ligji në fakt regjistron të gjithë shtetasit shqiptarë që janë emigrantë dhe ky për të është hapi i parë që ata të integrohen në shoqëritë, ku jetojnë e të ushtrojnë aktivitet politik njësoj si minoritarët që jetojnë në Shqipëri. Edhe opozita ka kundërshtuar projektligjin me argumentin se ai cenon te drejtën e votës per me shume se nje milionë emigrante. Ligji i gjendjes civile njeh vetëm një adresë për qytetarët, ndërsa drafti i qeverise, sipas opozitës ua heq emrin emigranteve nga Shqipëria ku figurojnë te regjistruar dhe per pasoje edhe mundësinë per te votuar. Deputetet demokrate kërkuan qe ky draft ti kalonte komisionit per reformën zgjedhore, por kjo kërkese nuk u mor parasysh nga mazhoranca dhe ne fund Parlamenti miratoi variantin e qeverise.
