Shqipëria e Panucit arrin përtej parashikimeve duke mare maksimumin përballe nje kundërshtari jo te lehte ne letër si Turqia. 3-2 rezultati përfundimtar ku me shume se miqësore është nje triumf personal i teknikut Italian ndaj polemikave per zgjedhjet e tij me futbolliste te dëmtuar dhe pa ekip është baza per startin ne europianin e ardhshëm.
Një fitore qe behet akoma me e bukur po te mendosh qe kuqezinjtë shënojnë tre gola, mbrojnë fitoren dhe per me tepër ne pjesën e dyte luajtën me nje lojtar me pak. Nje pjese e pare mjaft e bukur per djemtë e Panucit qe zhvilluan nje futboll me shume profesionalitet dhe cilësi. Rastet nuk munguan dhe u shfrytëzuan mjaft mire me protagonist Sadikun, por ne nje mbrëmje fantastike edhe Odise Roshi.
Ne minutën e 24 fieraku ne nje depërtim nga e djathta dhuroi nje top per sulmuesin shqiptar, i cili goditi sakte duke kaluar ne avantazh Shqipërinë. Është përsëri dyshja kuqezi qe ne minutën e 39 befasoi përsëri vendasit. Roshi krosoi ne qendër per Sadikiun, i cili ketë here me koke çoi topin ne rrjete, duke dyfishuar shifrat. Ne momentin me te mire skuadra e Panucit u godit 4 minuta nga fundi i pjesës se pare, kur Ledian Memushaj pas nje ndërhyrje te gabuar mori kartonin e dyte te verdhe, duke lëne ekipin me nje lojtar me pak.
Pjesa e dyte filloi e vrullshme per vendasit kur ne minutën e 47 ngushtuan diferencën me Under pas nje pasimi te Tosun. Jane moment te mira per te zotet e shtëpisë, kur Shqipëria ben mrekullinë duke shënuar golin e trete ne minutën e 55. Ketë here është Eros Grezda i cili me nje goditje mposht portierin kundërshtar. Për gjakovarin, goli i pare me fanellën kuqezi. Por gëzimi i Shqipërisë zgjati vetëm 5 minuta, pasi ne nje ndeshje mjaft emocionuese ishte Akbaba qe ngushtoi përsëri diferencën ne te 60-en.
Qe nga ky moment skuadra e Luceskut ne sulm per barazimin e shifrave, ndërsa kuqezinjtë treguan nje tjetër cilësi, ate te mbrojtës se rezultatit edhe pse shpesh here me vuajtje te madhe. Përfundimisht triumf per skuadrën kete here tërësisht e Panucit, qe i jep nje start mjaft pozitiv përgatitjeve per eliminatoret e ardhshme. Kuqezinjtë e mbyllin me fitore vitin 2017, por tekniku Italian ka pse te krenohet, Shqipërisë me ne fund i ka futur ne gjak besimin per te arritur atë qe do.
