Kryefjala e kësaj jave kanë qenë protestat, por përveç rezistencës së banorëve të Unazës se Re dhe atyre të Shkozës, janë shtuar edhe tubimet e studenteve.
Si kurrë më parë ata mbushen rrugët e sheshet në gjithe vendin ku kanë kerkuar plotesimin e një sëre kërkesash.
Ndërsa qeveria apelon për dialog, opozita përpiqet të shfrytëzoje kauzen dhe fuqine e te rinjeve.
Analisti Skënder Minxhozi nga edicioni qendror i lajmeve në Vizion Plus i ka bërë një panoramë të përgjithshme në lidhje me zhvillimet e fundit që po ndodhin ne vendin tonë.
Prej disa ditësh studentët në të gjitha universitetet kanë bojkotuar mësimin duke protestuar, si duhet lexuar mesazhi i të rinjve ?
Personalisht këtë protestë që në fillim e kam konsideruar normale, në 30 vjet ne nuk e kemi kultivuar sensin e protetsës ndaj padrejtësisë, ndaj çështjeve me interes publik ndaj krizave të mëdha sociale që ka një vend normal, papunsia, ndotja e mjedisit korrupsioni vendet e punës, ajo që ne hamë dhe thithim, karburanti që djegim dhe shumë standarte të tjera. Arsimi, shëndetsia, pra në këtë kuadër të shikojmë një protestë masive sepse lajm përbën nuk bën vetëm ajo që kërkojnë studentet por numri i tyre, kjo është një protestë masive, e cila nuk ka dorën e dukshme të partive politike por është apolitike, prandaj unë e kam konsideruar një ditë normale në Tiranë.
Qeveria bëri një hap pas duke anulluar tarifën për provimet e prapambetura, a besoni se do të këtë një tërheqje edhe për pikat e tjera, apo do të tërhiqen studentët ?
Unë kam përshtypjen se studentët protestojnë për diçka më shumë sesa një pikë e zakonshme në një VKM. Është një protestë që pasqyron një copë të asaj pakënaqësie të akumuluar sociale që ka sot në Shqipëri dhe nuk prek vetëm jetën e studentëve dhe veprimtarinë e tyre ku ato ushtrojnë shkollën, punën etj, por ato janë fëmijë familjesh, kanë prindër jetojnë në komunitet dhe unë kam përshtypjen se se përtej asaj liste kërkese të afishuar ka dhe një dozë pakënaqësie për fenomene të tjera neative që po kalon sot vendi ynë. Unë e shoh protestën e tyre si një ngjarje me një rezonancë më të gjërë se sa një listë e thatë kërkesash. Unë mendoj se është e vështirë se kur qeveria ditën e parë anulon pikën e thënë ndryshe famëkeqe të VKM-së dhe pse ajo duhet parë precendentët në vendet e tjera, dhe cili ka qenë vendimi i saj. Dhe në ditën e dytë kryeministri të fton për dialog, unë nuk shikoj një protestë që të konsumohet në rrugë pa çuar një përfaqësi të saj të qeveri dhe pa nisur një dialog që ti hapë udhë kërkesave. Përmes inserteve që ju dhatë me opinionet e studentëve ato thonë se kanë katër pika dhe do të qëndrojnë aty deri në plotësimin e tyre por po të shikojmë kërkesat e tyre se di se si mund të rrish në Rrugën e Durrësit përditë derisa të përmirësohet jetesa në konvikte. Por ato duhet të negociojnë në lidhje me këtë pikë, kërkon arsim falas, ai subvencionohet në masën 75% në Shqipëri, duhet të bisedosh me autoritetet që kjo përqindje të bëhet 80 %, dhe nëse qeveria bie dakord edhe 100 %. Është një protestë që në momentin që qeveria shtrin dorën e dialogut është e rëndësishme që të zgjidhet përfaqësia për fillimin e dialogut.
Ngjan sikur jemi në një stinë protestash, protesta te Unaza e Re, në Shkoze, dhe studentët. Përse tani, dhe a shihni një lidhje mes tyre ?
Nëse do të duhet të abstragojmë duhet të themi se ka një perceprim negativ përsa i përket problemeve sociale që ka sot Shqipëria dhe janë këto vatra zjarri që shpërthejnë aty këtu. Megjithatë çështjet janë aq specifike saqë një projekt infrastrukturorë nuk mund ta përziesh mekanikisht me një listë kërkesash që kanë të bëjnë me standartet e asrimit që kanë të bëjnë në Shqipëri. Besoj se është një koicidencë dhe ndoshta stina e ftohtë e cila historikisht në shqipëri është një stinë gri dhe e zymtë kjo ndoshta është emëruesi i përbashkët por çështjet duhen zgjidhur dhe emëruar të ndara se janë shumë larg njëra tjetrës.
Opozita e ka deklaruar publikisht mbështetjen ndaj studentëve, por duket se deri tani nuk ka mundur ti afrohet fizikisht protestës, a po tenton Partia Demokratike ta shfrytëzojë këtë moment për ta bërë pjesë të kauzës së saj ?
Zyrtarisht jo dhe ka bërë gjënë e duhur se po ta bënte kauz ne do të shikonim ½ ose ¼ e atyre studentëve që shohim sot në rrugën e Durrësit. Mjafton që të shikojmë protetstat e tjera të opozitave dhe do të kuptojmë se ato janë me pjesmarrje të pakët të shkurtra dhe me pagesë.
