Mësimi është pezulluar në tre qarqet ku dëmet nga tërmeti kanë qenë më të mëdha, konkretisht në Tiranë dhe Lezhë deri me datë 5 dhjetor dhe në Durrës deri me 9 dhjetor.

 

Ministrja e Arsimit, Sportit dhe Rinisë, Besa Shahini këtë të hënë në një takim me mesuesit e shkollës 9-vjeçare “4 Dëshmorët” në Tiranë,  është shprehur se mësuesit duhet të dinë masat që duhen ndërmarrë në rast tërmeti.

 

Gjatë takimit, Ministrja Shahini nënvizoi se “Secili mësues duhet të ketë një plan të mbrojtjes fillestare të nxënësve në klasën e saj si dhe planin e daljes emergjente”.

 

“Këto plane në nivel klase duhet të rakordohen me drejtorin për plan të daljes emergjente në nivel shkolle, i cili printohet dhe postohet në një vend të dukshëm ne korridor. Kjo është puna që po bëjnë mësuesit sot dhe nesër për t’u përgatitur për rifillimin e mësimit”.

Leave a Reply

Your email address will not be published. Required fields are marked *