Vlora është qarku i parë që nuk shënon asnjë të infektuar me COVID.
Lajmi pozitiv u dha nga ministrja e Shëndetësisë, Ogerta Manastirliu.
“Lajm i mire *Vlora është qarku i parë në vend, ku nuk ka raste aktive me #covid19”, tha ministrja.
Aktualisht janë 136 raste aktive në vend. Prej tyre, po marrin trajtim spitalor 19 pacientë, nga të cilët 5 ndodhen në terapi intensive.
Gjatë 24 orëve të fundit, humbi jetën një pacient, ndërsa u identifikuan 8 raste të reja, nga 3,375 testime të kryera.
