Ministrja e Arsimit dhe Sportit Evis Kushi i është përgjigjur deputetes Ina Zhupa në lidhje me çështjen e mbylljes së kopshtit Zubejde Hanim.
Kushi tha se përgjigjen për këtë çështje do ta kishte marrë në komisionin e Edukimit, por Zhupa nuk tregoi durim për ta dëgjuar argumentin e ministres deri në fund.
Ministrja Kushi e ftoi Zhupën që të ketë më shumë durim duke i thënë:
“Për znj. Zhupa kam një sugjerim. Shoh një padurim të jashtëzakonshëm për të bërë karrierë. Ju do bëni karrierë. E keni medaljen e artë, i keni disa cilësi, por mos e sakrifikoni karrierën nga padurimi znj. Zhupa dhe mos e sakrifikoni edukatën nga padurimi për karrierë“.
