Grupit të ministrave të infektuar me COVID-19 i është bashkuar edhe Anila Denaj. Ministrja e Financave dhe e Ekonomisë konfirmoi vetë lajmin në “Facebook”.
“Pas testimit për COVID 19, ju informoj se kam rezultuar pozitive. Aktualisht jam karantinuar, duke ndjekur udhëzimet e mjekëve për hapat e mëtejshëm dhe trajtimin gradual të sëmundjes. Ju ftoj të gjithëve, të zbatojmë rregullat e higjienës dhe të mbajmë maskën duke ruajtur distancën sociale. Ju uroj shëndet të plotë!”
Më herët, dolën pozitivë me koronavirus edhe ministrja e Infrastrukturës Belinda Balluku dhe ai i Turizmit, Blendi Klosi.