Ministria e Shëndetësisë: 1.153 raste të reja dhe 17 viktima

Vazhdon të jetë e rënduar situata në Shqipëri për shkak të koronavirusit.

Sipas njoftimit të Ministrisë së Shëndetësisë, në 24 orët e fundit janë testuar 3.975 qytetarë, nga të cilët 1.153 dolën pozitivë. Pacientët që nuk e fituan dot betejën me koronavirusin janë 17, të moshave 48-83 vjeç.

Kurse betejën me sëmundjen e fituan 928 persona. Në spitalet COVID, nga ana tjetër, po marrin trajtim 606 qytetarë, 35 në terapi intensive dhe 11 të intubuar.