Rastet e reja me koronavirus po rriten çdo ditë e më shumë. Këtë të shtunë, Ministria e Shëndetësisë raportoi se janë kryer 4.539 testime, të cilat kanë zbuluar 1.130 të infektuar, numri më i lartë deri tani.
Rekordin e rasteve të reja mes qytetesh e mban Tirana, me 535 të tilla, e ndjekur nga Elbasan, Kurbini e Durrësi.
Nga ana tjetër, 13 pacientë të tjerë nuk e mposhtën dot koronavirusin. Ata ishin të moshave 28-80 vjeç. Kurse numri i të shëruarve gjatë 24 orëve të fundit është 656. Në spitalet COVID po marrin trajtim 431 qytetarë, 25 prej të cilëve në terapi intensive dhe 12 të intubuar.
