Ministria e Financave ka nisur konsultimet me grupet e interesit për paketën e re fiskale që pritet të zyrtarizohet në muajin korrik. Takimi i parë u zhvillua me shoqatën e ndërtuesve, e cila prej vitesh kërkon që të ketë një ndarje të tatim fitimit mes investitorit dhe pronarit të truallit.
Ndërtuesit e konsiderojnë pagesën e këtij tatimi si të padrejtë, e cila rrit kostot në aktivitetin e tyre.
Konsultimet për lehtësirat fiskale do të vijojnë edhe me dhomat e tregtisë, në mënyrë që të hartohet një draft i cili në thelb do të ketë si synim përmirësimin e mëtejshëm të klimës së biznesit.
