Koreja e Veriut ka vendosur të bëjë hapa para në krijimin e marrëdhënieve me fuqitë më të mëdha botërore, duke i dhënë fund izolimit të vendit prej disa dekadash.
Pas takimit historik me presidentin e Koresë së Jugut Moon Jae In, pas 65 vitesh shkëputje marrëdhëniesh mes tyre, vendi komunist njofton se së shpejti ministri i jashtëm i Kinës do të vizitojë Phenianin. Takimi, me ftesë të ministrit të jashtëm te vendit komunist pritet të mbahet këtë javë.
Kina ka mbështetur një sërë sanksionesh të Kombeve të Bashkuara kundër Phenianit mbi programin e armëve bërthamore, por nga ana tjetër, Pekini ka ruajtur një kurs neutral, pas të cilit fshihen interesa të mëdha ekonomikë. Në fund të muajit maj ose në fillim të qershorit, pritet të zhvillohet edhe takimi historik i Kim Jong Un me presidentin e Shteteve të Bashkuara të Amerikës Donald Trump.
Në gadishullin Korean, duket se po nis një epokë e re e paqes. Përveç nënshkrimit të marrëveshjes për denuklearizimin, Koreja e Veriut ka vendosur unifikimin e orës me Jugun, pasi me pare kishte një diferencë prej 30 minutash.
