Ministri i Jashtëm i Gjermanisë Heiko Maas zhvilloi bisedime me homologun e tij Iranian Javad Zarif, gjatë vizitës zyrtare në Teheran, një përpjekje kjo për të lehtësuar tensionet në Gjirin Persik.
Gjatë konferencës së përbashkët për shtyp, Mass ritheksoi rëndësinë e marrëveshjes bërthamore të vitit 2015.
HAIKO MAAS
MINISTER I JASHTEM I GJERMANISE
“Marrëveshja bërthamore është jashtëzakonisht e rëndësishme për sigurinë e Evropës. Ne nuk duam që Irani të ketë armë bërthamore. Gjermania dhe partnerët e saj evropianë po bëjnë të gjitha përpjekjet për vazhdimin e kësaj marrëveshjeje”
Ndërsa në një intervistë për gazetën gjermane “Spiegel”, Maas tha se po dështoi marrëveshja bërthamore, Iranin nga ana tjetër e kërcënon izolimi ndërkombëtar, e një gjë e tillë do të ishte kërcënim për rajonin.
Ministri i Jashtëm i Iranit, Javad Zarif u shpreh se ai dhe homologu gjerman patën bisedime “të sinqerta dhe serioze” për marrëveshjen bërthamore .
Zarif premtoi angazhimin dhe bashkëpunimin e Teheranit me nënshkruesit e marrëveshjes për ta shpëtuar atë.
Ai gjithashtu paralajmëroi për rrezikun e thellimit te perplasjeve me SHBA, duke shtuar se pa heqjen e sanksioneve amerikane Irani nuk do të angazhohet për zgjidhjen e konfliktit.
