Ministri gjerman futet në karantinë

Ministri i Jashtëm i Gjermanisë, Heiko Maas është në karantinë pasi një anëtar i ekipit të tij të sigurisë doli pozitiv me koronavirus.

Në testin e parë, Maas doli negativ, por sipas Ministrisë së Jashtme, ai do të qëndrojë në izolim si masë sigurie.

Një zëdhënëse tha se kushdo që mund të ketë pasur kontakte me personin që ka rezultuar pozitiv do të kontaktohet gjithashtu.

Gjermania ka regjistruar më shumë se 9,300 vdekje dhe pothuajse 275,000 infeksione që nga fillimi i pandemisë.