Ministri austriak i Shëndetësisë jep dorëheqjen: Jam i rraskapitur nga pandemia

Ministri austriak i Shëndetësisë, Rudolf Anschober ka dhënë dorëheqjen. Ai argumentoi se është shumë i lodhur nga mbingarkesa gjatë pandemisë.

“Në krizën më të keqe shëndetësore të dekadave të fundit, Austria ka nevojë për një ministër Shëndetësie, i cili është 100% i aftë. Për momentin, unë nuk jam dhe nuk do të jem në javët e ardhshme. Jam i rraskapitur, nuk dua të vetëshkatërrohem. Kjo pandemi nuk bën pushime dhe për këtë arsye, një ministër Shëndetësie nuk mund të bëjë pushime.”

Ai vlerësoi se Austria ka bërë një punë të mirë në menaxhimin e pandemisë, ndërsa nuk mohoi gabimet.